“aaj bhaagne ko ji chaha hai

is ajab-gazab si duniya se

jhilmil jhilmil ummedo se

toote, bhikhare kuch sapno se

veeraane se band kamro me

ojhal hoti hasti se

gumsum, chup chup in adharo ki

ankahi, dabayi kuchh baato se

dhundli kuchh beeti yaadoen se
hasti roti barsaatoen se
muskurati, ithlati angdayi ki
pyasi, utsuk saugaatoen se
bheege mausam ki nam aankhoen se

behte girte is pani se
aaj bhaagne ko ji chaha hai

is ajab-gazab si duniya se…..”